2025

CAEx HoReCa | UzFPT 2025

CAEx HoReCa | UzFPT 2025 ko‘rgazmasi 2025-yil 2–4-oktabr kunlari Toshkent shahridagi CAEx Uzbekistan ko‘rgazma majmuasida bo‘lib o‘tdi. Tadbir O‘zbekiston va boshqa mamlakatlardan mehmondo‘stlik sohasi hamda oziq-ovqat sanoati vakillarini birlashtirdi.

Ko‘rgazmada 6 nafari xorijiy kompaniyalardan iborat jami 60 ta eksponent ishtirok etdi. Tadbirga 16 mamlakatdan 210 nafar xalqaro tashrif buyuruvchi hamda jami 3 500 nafar soha mutaxassisi tashrif buyurdi.

Ko‘rgazma doirasida xaridorlar uchun maxsus dastur va B2B uchrashuvlar ham tashkil etildi. Ularda 5 mamlakatdan 40 dan ortiq kompaniya hamda 230 ta mahalliy kompaniya ishtirok etdi. Ko‘rgazma maydoni birinchi nashrga nisbatan 45 foizga kengaydi.

Ishtirokchilar fikrlari

Olga Kryuchkova
HoReCa | UzFPT 2025 biznes dasturi spikeri, Newbiz rahbari va HEADS agentligining rivojlanish bo‘yicha direktori.

“Ko‘rgazma menda juda yoqimli taassurot qoldirdi. Ko‘lami ixcham bo‘lishiga qaramay, tadbir yaxshi tashkil etilgan edi. Ishtirokchilar stendlar konsepsiyasini puxta o‘ylab chiqqani, taqdimotlar va mehmonlar bilan uchrashuvlarga jiddiy tayyorgarlik ko‘rgani sezilib turardi. Ayniqsa, mahalliy ishlab chiqaruvchilarning qadoqlash yechimlari qanchalik puxta va sifatli ekanini ko‘rish qiziqarli bo‘ldi. Ayrim yechimlarni Rossiya bozorida ham qo‘llash mumkin. Eksport faol rivojlanishiga va bunday mahsulotlarni tobora ko‘proq uchratishimizga umid qilaman.”

Francesco Russo
HoReCa segmentida biznesni rivojlantirish bo‘yicha maslahatchi, HoReCa | UzFPT 2025 ko‘rgazmasi tashrif buyuruvchisi.

“Biz Italiyadan keldik va O‘zbekistondan juda katta taassurot oldik. HoReCa | UzFPT ko‘rgazmasiga tashrif buyurish biz uchun ayniqsa yoqimli tajriba bo‘ldi: chiroyli stendlar, yaxshi tashkil etilgan tadbir va professional muhit. O‘zbekiston bozorida, xususan, go‘sht va non ishlab chiqarish tarmoqlarida rivojlanish salohiyati katta ekani ko‘rinib turibdi. Bunday tarmoq ko‘rgazmalari sohani rivojlantirish uchun muhim va zarur qadamdir. O‘zbekistonda HoReCa sektori ham bugungi kunda ishonchli sur’atlarda va faol rivojlanayotganini ko‘rish mumkin.”

Falcon capital company

“Ko‘rgazma juda yuqori saviyada o‘tdi. Biz unda ilk bor qatnashdik va bu kompaniyamiz uchun haqiqatan ham foydali tajriba bo‘ldi. Birinchidan, ishtirok etish brendimiz tanilishini sezilarli darajada oshirishga yordam berdi. Ikkinchidan, Qozog‘iston, Tojikiston, Rossiya, Belarus va Ukrainadan kelgan xorijiy tashrif buyuruvchilarning, ayniqsa, HoReCa segmentidagi vakillarning katta qiziqishini ko‘rdik. Tashkilotchilarga minnatdorchilik bildiramiz. Ko‘rgazma davomida yangi hamkorlar bilan shartnomalar imzolashga muvaffaq bo‘ldik.”

Musa Company

“Ko‘rgazma bizda juda yaxshi taassurot qoldirdi. Musa unda ikkinchi marta ishtirok etdi va bu yil tadbir saviyasi sezilarli darajada oshganini ko‘rdik. Xorijiy mehmonlar, jumladan, Qozog‘iston, Tojikiston va Qirg‘izistondan kelgan tashrif buyuruvchilar soni ko‘proq bo‘ldi. Ko‘rgazma yakunida ushbu mamlakatlardan kelgan hamkorlar bilan kelishuvlarga erishdik. Shuningdek, restoran va mehmonxona biznesi vakillari bilan samarali ishladik va ular bilan yangi shartnomalar tuzdik.”